តើប្រិយមិត្តគិតយ៉ាងដែរ បើសម័យបច្ចុប្បន្នកាលនេះយើងសង្កេតឃើញថា យុវវ័យមួយចំនួនកំពុងតែភ្លើតភ្លើន ភ្លេចខ្លួន ហើយបានប្រព្រឹត្តនូវទង្វើមិនគប្បីជាច្រើនធ្វើឲ្យបាត់បង់តម្លៃរបស់ខ្លួន គ្រួសារ និងសង្គមជាតិ។ជាក់ស្ដែងគឺយើងបានឃើញនូវរូបភាពជាច្រើន នៅលើបណ្ដាញទំនាក់ទំនងសង្គមនានា ដែលបានឆ្លុះបញ្ចាំងពីទង្វើមិនសមស្រប និងគួរឲ្យអាម៉ាស់នៅក្នុងស្រទាប់យុវវ័យមួយចំនួនតូចដូចជា ការលួចរួមរ័កគ្នានៅលើដំបូលផ្ទះ សាលារៀន មិនតែប៉ុណ្ណោះដោយសារតែក្ដីស្រឡាញ់គូស្នេហ៍វ័យក្មេងខ្លះបានឱបថើបគ្នាដោយគ្មានអៀនខ្មាសនៅក្នុងថ្នាក់រៀនថែមទៀតផង។
ទាំងនេះសុទ្ធសឹងជាទង្វើដែលធ្វើឱ្យបាត់បង់នូវសណ្ដាប់ធ្នាប់សង្គម សង្គមគ្មានការរីកចម្រើន ហើយខ្លួនឯងក៏ត្រូវធ្លាក់ក្នុងភាពបរាជ័យថែមទៀតផង។ហេតុនេះហើយយុវវ័យទាំងឡាយគួរតែជៀសវាងឲ្យឆ្ងាយពីទង្វើមិនសមគួរទាំងអស់នេះ និងបែរយកពេលទំនេរមកខិតខំសិក្សារៀនសូត្រដើម្បីអនាគតមានភាពរីកចម្រើនទាំងបុគ្គលខ្លួនឯង ទាំងគ្រួសារ និងទាំងសង្គមជាតិរបស់យើងទាំងអស់គ្នា។ សម្រាប់ប្រិយមិត្តជាទីគោរពវិញ តើលោកអ្នកយល់យ៉ាងណាដែរចំពោះបញ្ហាបែបនេះ សូមជួយផ្តល់ក៏ដូចជាការចែករំលែកនូវទស្សនៈអប់រំផងខណៈពេលនេះ។
.jpg)
0 comments:
Post a Comment