តាមការពិតអ្នកដែលត្រូវបាន គេហៅថាជាមនុស្សខ្ជិលមិនមែ នខ្ជិលទាំងស្រុងនោះទេ ដោយឡែកពួកគេគ្រាន់តែមានអារម្មណ៍ស្មុគស្មាញនៅពេលដែល ពូកគេ មានកិច្ចការអ្វីមួយដែលត្រូវបំពេញតែប៉ុណ្ណោះ។ នៅពេលខ្លះទៀតវា គឺជា ទំលាប់របស់មនុស្សម្នាក់ៗ ដោយពួកគេតែងតែកុហកខ្លួនឯងក្នុងការចែកពេលវេលា ដើម្បីធ្វើកិច្ចការទាំងនោះ ហើយជាចុងបញ្ចប់ អ្វីដែលពួកគេរំពឹង ទុកថានឹងត្រូវធ្វើ ក៏បានទទួលបរាជ័យ។ ដូច្នេះហើយអត្ថបទមួយនេះ នឹងបង្ហាញអ្នកអំពីវិធីមួយចំនួនដើម្បីឲ្យអ្នកអាចយកជ័យជំនះលើភាពខ្ជិលរបស់អ្នកបាន។ ១- ចងចាំថាអ្នកត្រូវឲ្យ រង្វាន់ខ្លួនឯងសំរាប់ភាពជោគជ័យរបស់អ្នកៈ ប្រសិន ជាអ្នកមានកិច្ចការអ្វីមួយ ដែលត្រូវបំពេញអ្នក ត្រូវប្រាប់ខ្លួនឯងថា អ្នកនឹងទទួលរង្វាន់ បន្ទាប់ពីកិច្ចការមួយនេះត្រូវបានបញ្ចប់ បើទោះបីវាជាកិច្ចការដ៏តូចមួយក៏ដោយ។ ២- គិតអំពីសារសំខាន់នៃគោលដៅ ឬបញ្ហាៈ តើវាគឺអ្វីដែលអ្នកគួរតែធ្វើព្រងើយកន្តើយដាក់មែនទេ? តើវា គឺជាអ្វីដែលអ្នក ដទៃអាចជួយអ្នកបាន? តើអ្នកអាចបំភ្លេចវាបានដែរ ឬទេ? ៣- ត្រូវទុកចិត្តលើខ្លួនឯង ថាអ្នកអាចធ្វើបានៈ អ្នកដែលមានអារម្មណ៏ថា ខ្ជិលគឺជាអ្នកដែលក្បត់ នឹងឧត្តមគតិខ្លួនឯង ឬក៏គ្មានទម្លាប់ក្នុងការលើកទឹកចិត្តខ្លួនឯងតាំងពីតូច។ ដូច្នេះអ្នកពុំចាំបាច់រលឹកពីអារម្មណ៏ តាំងពីអតីតកាលរបស់អ្នកនោះទេ ដោយអ្នកគ្រាន់តែប្រាប់ខ្លួនអ្នកថា អ្នកអាចធ្វើកិច្ចការនោះបានព្រមទាំងខិតខំធ្វើវាឲ្យបានសំរេច។ ៤- ចូរកុំខ្លាចក្នុងការរកជំនួយពីអ្នកដទៃៈ ការតស៊ូជាមួយ នឹងកិច្ចការគ្រប់បែបយ៉ាង គឺមានន័យថា អ្នកមិនសូវមាន ទំនាក់ទំនង ជាមួយអ្នកដទៃ។ ជាមួយគ្នានេះដែរភាពខុសប្លែកគ្នារវាងកិច្ចការដែលលំបាក និងកិច្ចការដែលមិនអាចធ្វើទៅបាន វាអាចមានផលប៉ះពាល់ដល់ការតាំងចិត្តរបស់មនុស្សម្នាក់។ លោក John C. Maxwell បាន ធ្វើសេចក្តីបំភ្លឺថា អ្នកអាចសម្របខ្លួនទៅ នឹងបែបបទនៃការមានអារម្មណ៍ខ្ជិលបានដើម្បីបង្កើន ការលើកទឹកចិត្តរបស់ខ្លួនអ្នកផ្ទាល់ឲ្យមានអារម្មណ៍វិជ្ជមាន ព្រមទាំងមានអារម្មណ៍ ថាអាចទុកចិត្តលើខ្លួនឯងបាន។ មានពាក្យស្លោកមួយឃ្លា បានលើកឡើងថាៈ “កន្ទុយមិនមែនបក់ឆ្កែទេ តែឆ្កែបក់កន្ទុយ” ដោយ ពាក្យស្លោកមួយនេះ ចង់បានន័យថា អ្នកត្រូវបញ្ជាលើឆ្អឹងខ្ជិលរបស់អ្នក ហើយអ្នកមិនត្រូវឲ្យ ពួកវាបញ្ជាលើអ្នកនោះទេ។ ម្យ៉ាងវិញទៀត មានដំបូន្មានជាច្រើនដែលអ្នកអាចធ្វើ ការអនុវត្តតាមក៏ ប៉ុន្តែប្រសិនបើអ្នកមាន ថវិកាគ្រប់គ្រាន់អ្នកគួរតែរកអ្នកដទៃ ឬក៏គ្រូបង្វឹកដើម្បីជួយ អ្នកក្នុងការអនុវត្តនូវ វិធីអស់ទាំងនោះ ពីព្រោះការធ្វើបែបនេះ វាអាចកាន់តែមានប្រសិទ្ធភាព។ ៥- សំរេចចិត្តចាប់ផ្តើមធ្វើការ និងព្យាយាមសំរេចវាឲ្យបានៈ ជីវិត គឺតែងតែមានការលំបាក។ មួយវិញទៀតអ្នក ដឹងថា ការពិតមួយនេះមិនអាចផ្លាស់ប្តូរបានឆាប់ប៉ុណ្ណា អ្នកអាចចាប់ផ្តើមកែប្រែខ្លួនអ្នកឲ្យក្លាយជា អ្នកទទួលជ័យជំនះ គ្រប់ការងារឆាប់ប៉ុណ្ណឹង។ កែប្រែខ្លួនអ្នកឲ្យកាន់តែ ប្រសើរឡើង និង បង្កើនឆន្ទៈរបស់អ្នកដើម្បីឲ្យការខិតខំប្រឹងប្រែង ធ្វើកិច្ចការផ្សេងៗក្លាយជាទម្លាប់៕
.jpg)
0 comments:
Post a Comment